Жорий йилнинг 10 декабрь куни Сабзавот, полиз экинлари ва картошкачилик илмий-тадқиқот институтида “Республикада сабзавотчилик, полизчилик ва картошкачиликни жадал ривожлантиришда инновацион агротехнологиялардан фойдаланиш йўналишлари” мавзусидаги Республика илмий-амалий онлайн-вебинар анжуман ташкил этилди. 

Ташкил этилган анжуман ишида, ноанаънавий сабзавот экинлари селекцияси, уруғчилиги, сабзавот, полиз ва картошка экинлари селекцияси ютуқлари, сабзавот, полиз экинлари уруғчилигини ташкил қилиш, сабзавот, полиз, картошка экинларини етиштиришнинг инновацион агротехнологиялардан фойдаланиш, иссиқхона комплексларидан самарали фойдаланиш, сабзавот, полиз, картошка экинларини асосий касаллик ва зараркунандалардан ҳимоя қилишнинг самарали уйғунлашган инновацион  услублари каби йўналишларда соҳа бўйича етакчи олимларнинг маърузалари тингланди.

Анжуман иши кириш сўзида Сабзавот, полиз экинлари ва картошкачилик илмий-тадқиқот институти директори, қ.х.ф.д. Р. Низомов, Қишлоқ хўжалиги ва озиқ-овқат таъминоти илмий-ишлаб чиқариш маркази бўлим бошлиғи,  қ.х.ф.н. А. Рустамов, Сабзавот, полиз экинлари ва картошкачилик илмий-тадқиқот институти етакчи илмий ходими, қ.х.ф.д. Р. Мавлянова, Республика Уруғчиликни ривожлантириш маркази директори ўринбосари, қ.х.ф.н. Р. Хакимовлар ўз маърузари билан ўртоқлашдилар.

Шу билан бирга, ташкил этилган онлайн-вебинар анжуманда халқаро миқиёсда олиб борилаётган тадқиқотлар бўйича Жанубий Кореянинг Корея миллий мева-сабзавотчилик илмий-тадқиқот институти илмий ходими, қ.х.ф.н. Ш. Ражаметов, Америка Қўшма Штатлари “BAYER” компаниясида фаолият олиб бораётган, қ.х.ф.н. Б. Хошимхўжаевлар ўз маърузалари билан қатнашдилар. 

Анжуман якунида иштирокчилар томонидан билдирилган фикр ва мулоҳазалар ва таклифлар асосида Республикада сабзавотчилик, полизчилик ва картошкачиликни жадал ривожлантиришда инновацион агротехнологиялардан фойдаланиш йўналишларини белгилаб  олиш бўйича ҳулoсалар қабул қилинди.