Корея Миллий Боғдорчилик ва ўсимликшунослик илмий-тадқиқот институтининг Бош директори Хванг Жеонг Хванг (Hwang Jeong-Xvan) бошчилигидаги делегация 2018 йил 4 июнь куни Академик М.Мирзаев номидаги боғдорчилик, узумчилик ва виночилик илмий тадқиқот институтига ташриф буюрди.

Ташриф доирасида томонлар узумнинг янги нав ва намуналарини ўзаро алмашиш ва уларни селекция ишлари бўйича фикр алмашишди. Учрашув давомида икки институт ўртасида ўзаро Англашув меморандуми имзоланди. Меморандумда икки институт ўртасида илмий-амалий тадқиқотлар ўтказиш, мева ва узум коллекциялари билан ўзаро навлар алмашиш ва ёш олимларни хорижда малакасини ошириш бўйича келишиб олинди.