Бу плуг ўнгга ва чапга ағдарадиган корпуслар билан жиҳозланган бўлиб, иш жараёнида ерларни текис ва сифатли (очиқ эгат ва марзаларсиз) шудгорлашни таъминлайди.

1,4-2,0 классдаги ҳайдов тракторларига мўлжалланган айланма плуг сабзавот, полиз экинлари ва картошка етиштириладиган майдонларни текис шудгорлашда қўлланилади. Жумладан, плуг сабзавот экинлари етиштириладиган ерларга асосий ишлов беришда сабзавотчилик трактори билан агрегатланиб ишлатилади. Айланма плуг қўлланилганда ерлар текис ва сифатли (эгатлар ва очиқ марзаларсиз) шудгорланиши натижасида уларни экишга тайёрлашга сарфланадиган харажатлар қисқаради.

Ушбу плугни “БМКБ-Агромаш” АЖ да саноат нусхалари ишлаб чиқарилиб, қабул синовлари ўтказилган.

ТТЗ-100SP трактори учун ишлаб чиқилган плугнинг техник тавсифи