Ўсимликшунослик илмий-тадқиқот институти ҳамда Дон ва дуккакли экинлар илмий-тадқиқот институти Қашқадарё филиали билан ҳамкорликда кузги юмшоқ буғдойнинг “Обод” нави яратилди. Мазкур нав 2018 йилда экиш учун тавсия этилган қишлоқ хўжалик экинлари Давлат реестрига топширилган.
Кузги юмшоқ буғдойнинг янги обод нави республикамизнинг барча вилоятларикузги муддатда экишга тавсия қилинган. Ўрта бўйли бўлиб, баландлиги 99.8 см.гача маҳсулдор тўпланиш (3-4), б 1000 дона дон вазни 41,6—42,6 граммни ташкил этади.
Нав ўрта пишар бўлиб, Тошкент вилояти шароитида 220—221 кунда пишиб етилади. Сариқ ва қўнғир занг касалликларига чидамли. Септариоз, ун шудринг, чанг, қаттиқ қоракуя касалликларига ўртача чидамли. Бундан ташқари, стресс омилларга ёки ноқулай шароитларга, яъни ётиб қолишга, иссиқликка, қурғоқчиликка ва шўрга ҳам ўртача чидамли.
Ҳосилдорлиги гектарига 50—60 ц/га. Дон сифати юқори. Оқсил миқдори 15.2 фоиз, клейковина миқдори 29.7 фоиз, дон натураси эса 805 г/ли ни ташкил этади. Унидан сифатли нон тайёрланади.
Тошкент вилояти шароитида мақбул муддат 10 октябрдан 20 октябргача экиш муддати ҳисобланади. Оптимал муддатда гектарига 220 кг, кечки муддатда экилганда 250 кг.гача уруғ дон экиш мумкин. Вегетация давомида тўрт марта суғориш тавсия этилади.
Қишлоқ хўжалиги ва озиқ-овқат таъминоти
илмий-ишлаб чиқариш маркази
Матбуот хизмати