NATIONAL CENTER FOR EDUCATION AND
INNOVATION IN AGRICULTURE
CITIZENS  APPEALS

Fuqarolarning murojaati


Ҳар гектардан 100 центнердан ҳосил олинди

  • 17.06.2019

Ҳар гектардан 100 центнердан ҳосил олинди

 
Фарғона вилоятида ҳам ғалла ўрим-йиғими қизғин ва уюшқоқлик билан олиб борилмоқда. Заҳматли меҳнат эвазига етиштирилган ҳосилни нест-нобуд қилмай йиғиб олиш эса муҳим вазифа саналади. Мавсумни қисқа фурсатларда, сифатли ўтказиш учун отрядлар тузилиб, ҳар бир гуруҳга тегишли соҳалар мутахассислари жалб этилган. 
 
Жорий йил вилоятда 107 минг 700 гектар майдонда ғалла етиштирилди. Ўрим-йиғимда 318 та комбайн, 1700 дан зиёд ташув техникаси, 365 та кўчма таъмирлаш устахонаси, 176 та ёнилғи-мойлаш материаллари етказиб берувчи транспорт воситаларидан самарали фойдаланиб, уларнинг бир маромда ишлаши учун зарур чора-тадбирлар кўрилмоқда. Шунингдек, ишчи-механизаторларнинг вақтида дам олиши ва овқатланишлари учун барча шароитлар яратилган.
 
Ёзёвон туманида ғалла ўрими уюшқоқлик билан давом этмоқда. Туманда ғалла майдони 6 минг 947 гектар бўлиб, ўрим-йиғим ишларига 18 та замонавий комбайн жалб этилган. Кунига 1000 тоннадан дон йиғиб олинмоқда. Айни кунларда илғор хўжаликлар режани ортиғи билан уддалади.
 
photo5203996622143466215.jpg
 
Тумандаги “Зулфизар” фермер хўжалигининг 64 гектарлик ғалла даласидан 220 тонна дон йиғиб олиниб, шартнома режаси ортиғи билан бажарилди. Ҳосилдорлик ошиб, ҳар бир гектаридан 100 центнерни ташкил қилди.
– Ерга меҳр бериб ишлаган унинг роҳатини ҳам кўради, -дейди Махсуджон Ёқубов. –Илгарилари шу ерлардан 30 центнердан ҳосил олардик холос. Қилинган агротехник тадбирлар ўзининг амалий самарасини кўрсатди. Ҳали ўрилмаган ғалла майдонимиз ҳам бор, ортиқча донни 20 нафар ишчимизга бўлиб беришни мўлжаллаб турибмиз. Мўл ҳосил етиштиришда уларнинг меҳнати катта бўлди. Хирмон донга тўлиб, юзимиз ёруғ бўлганидан хурсандмиз.
 
Манба: uza.uz